من كثر ما أنا شفت واللي حلّ بي
مؤمن بأنه به عقول خاويه
تتعب معاه ولا تعرف هو وش يبي
والإتجاه نحو الطريق المنحدر والهاوية
أعامله مثل الاخو واغليه لأنه صاحبي
وادمح أنا غلطته لو هي كاويه
يزعل بدون أسباب يثقل منكبي
يشوف بس يشوف باضيق زاويه
احشمه قدام الملا طبعي وهذا مذهبي
سماي تمطر طيب وارضه طاويه
صار الزعل في شرعهم هو مكسبي
والا الرضى إعجاز نخل وخاويه
يعتب على لاشي ويشب حطبي
لا حلم فاد ولا دهاء معاوية
ومن منطلق ديني وسنه هالنبي
قبل الحديث اعرف وميز راويه
وساعي البريد اللي حكي لك مربي
مثلك سمع مثلي رماه بحاويه
شايف أنا وساكت وسو اللي تبي
تفهم ما تفهم أصبحت متساوية