اعطوني السبحة وهات الدله
وخذوا البقايا واتركوني لحالي
خلوني اشرح خاطري واافله
وأقول هذي يابشر تحلالي
ضاقت بي الدنياوقمت اتوله
على الصغير اللي لعب باحوالي
حتى الطريق اللي اعرفه وادله
صرت أجهله واروح به طوااالي
لاواهني اللي صفا له خله
يبات طول الليل بس يلالي
لاصار له خله يشابه ظله
يعيش كنه شيخ والا والي
يا صاحبي صار بخفوقي عله
من غاب عن عيني اتصال الغالي
من عقب ماهو خذ خفوقي كله
صار يتغلى ويحسب اني سالي
مهما ابتعد عني ترى ما امله
ومهما ابتعد يأمر وقدره عالي
ومهماغديت وجيت انا والشله
ماغيير حبه جنتي وظلالي
امشي بجنب الحيط يالله يالله
واتخيله في روحتي واقبالي
لا تحسب اني احسب حساب الزله
الموت بغيابه تراه اشواالي
ون مت انا يا صاحبي رح قل له
ولاتنشدونه عاد وش سوى لي
انا اللي اعطيته خفوقي كله
يستاهل اكثر ون تغلى غالي