خاطري قد له ثلاث اسنين ضايق
وظني إن توّه بعد ف أول طريقه
ومنهوتي من دونها سبعين عايق
ولا حظوظ أتعيّن ولا فزعة خليقه
ولو يطيب الحظ ببلش بالخلايق
ووقتنا اللي الرجل يحذر من شقيقه
قلّوا الوافين وكثرن البوايق
والكفو في عرفهم بايق صديقه
عالم للمصلحة تجمع رفايفق
لجل منها تكتسب بايت طريقه
يدخلون الزيف في بطون الحقايق
لجل ما تعرف نواياها الحقيقة
ويتلعمس جوّه إن شافتك رايق
ويستفل أحجاجها إن صابتك ضيقة
ولا أنا طيب مناجيب وعمايق
وحلقي من الجور ما قد نشف ريقه
وكل حملٍ ما لقى له ظهر طايق
أشقله لو عرض ظهري ما يطيقه
وشبح عيني لفوق ما أنيب أتوايق
وأنثني للي زهمني ما أتضيقه
ولا أنطح وجيه البلاوي كود فايق
لا تونّى اللي أعزومه من بريقه
نكان حظي ما خبرته يوم فايق
دام ستر الله علي ما أرقب مفيقه
عن خذول الحظ عضني بالوفايق
سعد من توفيق خلّاقه رفيقه