يا حظ من هو سعى بالخير متبرّع
يرجي الجزاء من إله الخلق والينا
بكفوف مرفوعةٍ، يدعيه متضرّع
لأخواننا بسوريا، واللي بفلسطينا
عسى يلين الذي، بالدّين، متذرّع
طول السنة بالحجج والعذر مشقينا
دام الجشع، شيمته ماهو بمتورّع
عن كل، فعلٍ بغيض، الله ينجّينا
وصارالبخل خصلةٍ بالدم متفرع
وبدّل بدنياه، عقبى الدار، والدّينا
ينام ليله، وهو شبعان، ومتترّع
ويظن، كل البشر، للبطن، مالينا
ماحس باللي، لسّم الفقر متجرّع
ما يسأل أحدٍ؟ يقول الرب، مغنينا
الحال، يرثى لها والثوب متمرّع
والعيد، ما قد فرح به، مدة سنينا
أحد عياله بسيف الجوع متصرّع
يقول رزقي، على اللي معتني فينا
واحد من الهم واللوعات متخرّع
ويقول صبرٍ على ربي،، شكاوينا
من يبذر الخير يلقى الخيرمتزرّع
يحصد جنا مازرع لوهو بعد حينا
ومن يطلب الآخرة يكون متدرّع
بأعماله الصالحة،، عند الموازينا