اللي يلفْ بالهرج ويدور ويدور
ياليت عقله مايدوخ بكلامه
لي صآحبٍ ماعاد باقي به شعور
من يوم حصّل بالعلامه علامه
ياما نصحته.. لكن الخبل مطيور
هو يحسب ان الحر مثل النعامه
مشيت الاولى.. لينهآ جات طآبور
ولاني موصّل طيبتي للرخامه
وياصفعة الصاحي على خد مخمور
منها يعرف اشلون يعني قيامه
ماكنت ابيها بس ياصاح مجبور
الخيل مايُركب بليّا لجامه
وكانك بلشت وتلتفت داخل الشور
عليك منّي مايبّن اثآمه
اللي امر وشلون ينكف مأمور..!
ولو ما يولّي من جفاه اهتمامه
ماني زعيم ولا لي إفبعض الامور
لكنّ.. مآتمشي عليّ الزعامه
ودامه صفا جوّي.. انا معْك مخبور
الذيب ينطح فرصته باغتنامه
خل الذي قد دآر في هرجه يدور
ماهو بلآحق غير جرّة كلآمه
دنيا بها ماعاد للخير مسرور
منها ماابي يارب غير السلآمه