قالن علام الشيب ناشك يا يابه
توّك شباب وتوّ بالعمر بادي
قلت البلا جات الليالي نهابه
خذت عيوني واطرحت لي فؤادي
غصبٍ عليّه لاظْهر الوقت نابه
أشيب لو انّي طفل فالمهادي
اشوف واعرف يا بناتي غلابه
والناس ضعفٍ تحت رب العبادي
لكنّ ابرفع له يدي في إنابه
وقولن امين ورافعات الايادي
يالله يا من فكّ للخلق بابه
تدخل ابو نايف جنان البرادي
ويا من شفيت ايوب من كرب مابه
سبعة عشر عامٍ يعاني بْجلادي
تشفي ابويه من خبيث حدابه
عن الوقوف وحالته فازْديادي
في كل يوم الجرح زوّد عذابه
خل العوافي له لباسٍ وزادي
خله يذوق العافية في جنابه
يمشي يسولف يهتني بالرقادي
يابوي ما للعافية والصبابه
طعم لنا وانته سقيمٍ تنادي
شكواك للي من تشكوى التجابه
يالله عافه يا إله العبادي
يالله عافه والبسه من شبابه
لبس العوافي يا كريم الايادي
خلاص يكفي يا بناتي إجابه
ويا جعلكم ما تعرفون النكادي