خسران ربحان ما أراجع حساباتي
يا أخي أنا مشتري في دنيتي الراحة
أعيش يومي بروحي هايم بذاتي
نفسي عن هموم خلق الله مرتاحه
قلبي خضر لامشى ما عد خطواتي
روحي مع مركب العشاق سواحه
كيف الزمن لو يعايرني بغلطاتي
عندي أستوت كلها افراحه مع اجراحه
أنا كذا هذي اطباعي وعاداتي
لو أستر اللي أبي أنا عيوني فضاحه
ويعني وش يصير لو اكشف ملفاتي
ناوي أنا أصلاً أطربقها على الساحة
الطيب كانت على ايدينه نهاياتي
ازرع وغيري يجي يحصد على الراحة
لا منت أول ولا آخر خساراتي
واللي خسرته وراسك لاخذ أرباحه
وكاني خسرت الغلا بأسباب نزواتي
ما أبي الهوى خذ معك قفله ومفتاحه