يجرحني الاحساس لا قلتلك وين
في دربٍ أذكر رحلتي واغترابه
كنتي وطن لكن غديتي وطن شين
يجرح خفوق السآهرين إكتآبه
ياسنبله في ارض صدري ميادين
جوعي ينادي.. ليه ماله إجابه
لمي حنينك كان فيني تِحسين
لا تتركين الجرح.. ينزف صوابه
أنا وشعري والاماني نبي نهين
فرقاك يوم إنه نوى في غيابه
مليت أقول الحب ساكن ب قلبين
فكرة غباء ويمكن علينا دُعابه
لو قلتلك أحيان أكتبك ويبين
شوق الغرآم الي وضح في كتابه
واحيان لا والله أغنيك حرفين
للهاء ياميم الغياب وسرآبه
هذا أنا ياسيّدي شوفني زين
جبل ولكن.. كل همٍ رقابه
تبي تفارق؟ روح الله معك لين
انساك وأطوي رحلتي وإغترابه