يقول من لا تكلّف في تعابيره
وأفكاره الغفل بين الناس مطلقها
صلّوا على طيّب الاخلاق والسيره
اللي جموع الجهل والشرك فرّقها
ما بعد عسر الزمان ألاّ تياسيره
لو سود الايام تفجعنا حقايقها
بنسوقها في رجاء اللي مالنا غيره
خلاّق الأنفس ، وكافلها ، ورازقها
كلٍ حسب رآيه وعِرفه وتفكيره
والناس بعقولها تظهر فوارقها
واللي ورى الغيب شيٍّ صعب تقديره
يعلم به اللي خيوط الصبح فالقها
بعض الآوادم كثيراتٍ معاذيره
مثل الجرابيع يا مكثر مناطقها
وإليا فزع وثّق الفزعه بتصويره
عوجا نواياه ما ربي موفّقها
والطيب معروف غاليةٍ مكاسيره
من قسم رجلٍ صروح المجد عانقها
إن مدّ ل لله .. ما طرّا ل أحد سيره
مكاسب النعم بيمينه موثّقها
من لا حسب ل العواقب في تدابيره
يبلش مع الناس صالحها وفاسقها
واللي على ماش مركاةٍ مذاخيره
والله ي الاحلام يبطي ما يحققها
يقوله اللي تمثّل في تعابيره
ب أبيات شعرٍ عن التكليف فاهقها