سيدة كل المساءات والليل القصير
إفتحي للريح صدر السهر والذكريات
خلي الدنيا تمايل وينساق العبير
قبل ينشق الكلام وتموت الأمنيات
سولفي عن شمعتينٍ توسطهن سرير
ومزهرية ورد متفتّح وأحمر شفاة!
علميني كيف اذوّب جروحي للأخير!!
واغرقيني بين دجلة خيالك والفرات
بعثريني في دروبك قبل شوقي يطير
واجمعيني في زوايا العيون الناعسات
أدري انك حلم واشعر بتأنيب الضمير
كل ما مرّت على البال بعض الأغنيات
يا صغيرة وان كبرتي ترى قلبي كبير
ما يشيل الا عيونك وكل الذكريات!