تعال الله ما بيني وبينك
ولي ديني ولك يا زين دينك
عذابي منك ما أصابت يمينك
عذابي جرح يا مزيون خافيه
أصبت القلب من غمْزات عينك
أصبت القلب من وقتك وحينك
على قلبي سألت الله يعينك
وكم قلبي تركني وانت ناسيه
وضاءه يا حبيبي في جبينك
ونار الحُب شبَّت في ضنينك
ولا تسأل عن المضنون وينك
عنَا قلبي لما تجهل دعاويه
ولا تنسى لما بيني وبينك
أنا يا زين من روحك وطينك
تعالى الزِّين في خلقك وزينك
عذاب القلب يا مولاه صافيه
سحرت القلب بأخلاقك ولينك
وكان القلب في الأوّل رهينك
وروحي بحر والخافق سفينك
أنا شاطي وبي أمواج راعيه
أنا اتأمَّل تسدد بعض دينك
وترأف بي عسى ترحم أمينك
تعبِّر عن شعورك أو حنينك
إذا فارقت جرحي كيف أداويه