يناوش ب اِيده الغرقان عشان يعيش لو قشّه
وأناوش لحظه تجمعنا أشوفك فيها لو بالنوم
إلا تباً لهذا العطر اللي جابك ب رشّه
كأن الموقف الموقف ولكن باختلاف اليوم
هذاك اللي حلفت أني ابد في يوم ما أغشه
عرض صدق المشاعر ذيك الا يا للاسف للسوم
ياليت اقدر من ضلوعي اشيل القلب واطشه
ما أبي نبضٍ يجيب اسمه ولا شرهة غرام ولوم
بأعيش الباقي من عمري بدونه راضي ب عشه
ما فيها من غرامه شي ابَ اقضيها صلاة وصوم