ليه يا قلوب البشر
باعد مابينك جرح
حبسنا حزن المواسم
يطرح مابينا القلق..
وحنا اللى كنا متغممين
افواهنا متكممين
قدرنا ونقدر أكتر
لو احنا مكملين
يقطع رجلين المسافة..
اللى ماتردليش روحى
وقع من على كتفى الغلأ
اتعترت فى صخرة ألم
حادفها حمل الجبال
ومايقوى ع الغرق
إلا اللى نفسه طويل
دوامة وعمالا تزيد
شجن الحنين ولانار جهنم
مادد جسر الجحيم..
يقطف من فوق الشفايف
عكارة الكلام..
على حلم حبك والوئام
ريح وبتحدف لئام
والأرض بتعصى الإمام
ولافيش إمام ياخد خطوتى
وحدك ومش حاسه بوحدتى
ولا نوح ناياتى وغنوتى
لجلك رهنت روحى للحياة
وانت راهنتى على غربتى
هاخد عزايا فى مين؟
ولا مين هاياخد عزايا
وش المرايا اتفلق..
والملامح تايه فى الوشوش
اللعنه تقوى ع الرطوش
وقلوبنا اغتالت روحنا فينا
لاحت من فوق برجنا الغيوم
ومحدش بيعلن نهايات الختام
كترت على صدورنا السهام
والضرب من تحت الحزام
ياترى دى حلاوة روح
ولا شهقه عزمك فى عين الانهزام