فاركًيتْ إنته السفينَة وآنه جايبلَك بحرْ
خِفِتْ!! ما يكفيك عشكَ الناس
توصلْ فرح كَلبكْ..
كٌَعديتْ الثلج من نومه الثجيلْ
وسلسَلتْلَكْ حزن كَلبي سلسَبيلْ
جِبتْ سلطان الحلمْ...
شِفتَكْ مِثل ممسوح بغياب الشمس
فاركَت حِلم الناس ومَلٌيت السفينة والسفَرْ
إشلونْ كَلبك طاوعَكْ
ماتكَفْ عالجيدوم وَجهَكْ كَمَرْ ونجوم
تنطينه كل لحظه إتجاه الريح
نِشتاكَ الكَمَر
يصعَدْ حِسِنْ وجهك كَمَر
ما بجيتك... ما بجيتكْ
آنه بجٌتني السفينة
إمنين ماطكَ الرذاذ إتفكْ كَلبها إتريد تبحِر
تِدري نوباتْ السفن لو ضاكَ خاطرها
إبجُبُنْ سفٌانها إتسورب وحدها؟؟
تدري نوباتْ المحبٌه إتمِلْ طبُع محبوبها
ويغفه عالجتاف السهر؟؟
ما بجيتك... ما بجيتكْ
مَدري منهو إبصدري يبجي؟؟
مدري منهو إيشَكٌَكَ إبكَلبي كواغِد؟ مدري منهوْ إيريدْ يرحَلْ؟
مدري منهو إيجرني بيدَر للمطر؟
ما بِجيتَكْ.. درت عيني للبَحَر!!
أبجي المسافات الهِمتها وياك!!
ما بجيتك... ما بجيتكْ
إنته تكذب ما بجيتكْ آنه هدٌيت السفينة وسيٌستها إشراع أسَبكَ الريح
ولا خاروعه عندك للمطَرْ
ما بجيتكْ
آنه جايبلَكْ من دموعي بحَرْ