ترافه

ترافه...

وليل...

ودك ريحان..

يا أسمر لا تواخذنه

يلن... كل دكه من حسنك..

شتل ريحان للجنه

ليالي...

ودك نحر حدار

وأحنه الشوك ناحرنه

تحنن..

دوس..

فوك الروح..

واحسبها علي منه..

أطكن ورد،

من تجزي...

وألف نمام.. يتحنه

بترف جدميك أطيرن فوك...

فوك الفوك...

اكتن عسل الورد

مزنه

من اشوفك..

انذر النجمات ترجيه لسوالفنه

ووديلك هوى شكابين...

وتردني بطرك ونه!!

بوشل هجرك، يلمذبل

شتلنه العشك والصندل

تنينه..

وكل هجر حمل،

دمع نيلي... وسعد اسود

ترف وانته... ولا سعده

ولا ما مش

ولا أزود

حسافه اسكيتك بروحي...

وحسافه العمر ما ورد.