هذه المناوشة كانت بيني وبين الدكتور احمد الليثي الذي أمتعني كثيرا بمناواشاته ومشاكساته حول النساء
دا كلام من واحد مقهور
كان نفسه ف شوية محشي
راح اسماحه اصله معذور
متعشي بشوية طرشي
رايح اسكت وبلاش تفسير
أصل الأمر بجد خطير
الدكتور طفشان م البيت
مرعوب دايما م السواطير
فين العزة اللي تقول عنها
من غير ست كريمة تصونها
والا عشان ماهو انت الراجل
تبقى السيد.. الله يعينها
شنبات شنبات شنبات
ولا دي غزل البنات
شنباتنا موضتها قديمة
قول رحمة على الشنبات
اللي انا سمعه طلوع الروح
نط ورقص لطير مدبوح
هوه عشان ماكلتش محشي
جاي تقوللي مش مسموح
بقى بالذمة ماكلتش محشي
ولا جربت ف مرة تدوق
اكل المحشي ياباشا مزاج
جرب صابع وانت تروق
بس ازاي ح تطوله ياقلبي
وانت كمان محروم ياعنيه
لو فكرت للحظة ياغالي
في ان الست دي اغلى هديه
قال بتتربس عمال تحبس
تحبس مين دا كلام اوهام
خاف على نفسك لما تنام
برضة حتيجي وفي الأحلام
جايبة ساطور مسنون واكياس
عاملة حسابها ولقدام
كتبت يافطة فوق الدار
قرب شيل الكيلو بكام
روحت يادكتور والله بلاش
روحت ياعيني ف هرس كلام