الغيم مايحزن على موت الأشجار
والشمس تشرق لي وتشرق ل غيري
والناس تتزاحم على شرب الأنهار
... وانا مكفيني عن الناس بيري
ويوم الطيور تهاجر وتقطع إبحار
انا مبرقع داخل الصدر طيري
حفظت ماضينا قصايد وتذكار
ومواقفٍ ريّحت فيها ضميري
ومستقبلي وياه لو صار ماصار
مبطي وانا رابط مصيره ب مصيري
ماني ل كل مضيّع دياره ديار
ولا هو ضروري كلِ يذوق خيري
انا فدى اللي ينتظرني على نار
ان غبت عنه مايعوضه غيري