ليت الحظوظ البيض قد لوحت لي
في مندرج صدقٍ لي اليوم ينباج
يوم الهموم ب ثقلها سربلت لي
مابان لي في غطلس الليل وهاج
حنيت للي بالعطا ماعطت لي
مريضها في شوفها يطلب علاج
ناديتها في ضيقتي م سمعت لي
ناديتها وانا لها حيل محتاج
لو انها متريّضه واحسمت لي
مافودت لي همومها مثل الافواج
سهمٍ لفاني من يدينٍ نوت لي
هي صوبتني ب الثنادي والامهاج
تصفق بجوفي ثقلها لا زمت لي
تلاطم حشوده مثل لطم الامواج
مشيت لين اقدام رجلي حفت لي
عطشان واسراب اللقى مثل هداج
ان كانها عدت عليّ فرجت لي
وان كانها قفت ترى الحظ منعاج
والغايه اللي بالامل ماصفت لي
عسى تواليها مع الصبر مخراج