ياعين خبي دمعتش واستريها
الدمع مافادش ولا جاب لش شي
يشمت بش العاذل ليا لد فيها
ويضحك عليش الي حياته وسط غي
والضيقه الي بالضلوع تحديها
والله دفنتني ياعرب عادني حي
ياليتني عارف سبايب مجيها
او ليتني ادري متى ودها تجي
من شان اودع فرحتي وانتهيها
واقول ياحزني تباطيتك شوي
او احتمي من ضيقتي والتهيها
واليا اقبلت قلت البلا من غثاء ذي
هي لوعتي هي وجعتي واشتكيها
لدفترٍ عن ضيقة الصدر يحكي
واذا بديت بوصفها قلت فيها
مدري وش التوصيف لاكنها هي
نفسي عن الشهوات يالله تهديها
واليا حداك الشين ي خاطري عي
وتغفر ذنوبي يالولي كل ابيها
وياجعلني ماخاوي بدنيتي عي