نويت أرمي ورى ظهري

نويت أرمي ورى ظهري..

شعورٍ قد بلاني فيك

نويت أرميك..

يا حزنٍ بات في صدري

كثر ما أغليك..

أخذ صبري..

ربيع العمر من عمري

وأنا وياك..

حتى لو عجزت أنساك

مهما قلت أبي أنساك

نويت أرمي ورى ظهري..

ألم فرقاك

غريبة حالة الذكرى

بقت ذكرى..

ولكن طعمها تغيّر

صوَرنا كلّها بسمة

بقت بسمة..

ولكن لونها أصفر

أنا اللي صرت من بعدك

على يدّك..

أخاف مْن الفرح وأكثر

يعود الحزن وأتكسر

ولكن علّها خيرة

يطل غيرك على الديرة

ويجبر بالهوى كسري

من يدري؟..

حتى لو عجزت أنساك

مهما قلت أبي أنساك

نويت أرمي ورى ظهري..

ألم فرقاك