لا تقول ان الركب سوده غمامه
تتهمها سبة الوان العبايه
ما بغت تمشي ورى درب الظلامه
والستر زينه وحصانتها حمايه
عيت انها تبرِزِ فأية علامه
تثبت لداشر وتحكي له كفايه
وارفضت تكشف مثل فاتن حمامه
او تصير ارخص مشاهد بالنهايه
واغتنت عز العبايه عن حرامه
واعلنت بان الحجاب اكرم وقايه
والغطا علبة جواهر في لثامه
يخفِي الزين ومفاتين البنايه
والحيا فيها تلقته الحشامه
وانحنى قلب المتيم في عنايه
وانشرت باغلا ثمن واحلا كلامه
ذاب بالوان الخجل ياهي حكايه
في شريعتنا وهيئتنا صرامه
وين تنباع الركب؟والا دعايه؟
هالركب ياللي بسمرتها اتهامه
بيتكم عله...كفى تعمم لغايه
والغرب نادى ومسموم فمرامه:
يا بنات الصون ما هو رضايه
وافصخو كل العبايات فقيامه
واذهلونا بالركب هذي البدايه
وافتشوا لان البشر كلها ملامه
واكشفوا بيض اللحوم اللي مرايه
وانثرو طول الشعر ياللي تمامه
للركب واصل وزينتكم رجايه
واطلقوا رمش العيون اللي سهامه
للقلب واصل بدون أية وصايه
وانظرو شوفو بحالتنا السلامه
والمواليد اشبعوا دور الرعايه
والبنات اللي اصبحوا بين اللئامه
سلعتن ترخص توطوها وطايه
ما لهم محرم ولا حتى مقامه
يحسدونا يغبطونا عالهدايه
يا لبى اللي في سريرتها ابتسامه
زينها وربي عطى للدنيا آيه