لا تعاندني ترى طبعي عنيد
من يعاند يغرق ف بحر العناد
أعترف لَك في الهوى إنتْ الوحيد
وإنتْ وحدك من سَلَبْ عيني الرقاد
واعترف حبك ذبحني للوريد
وإنّك أغلى الناس يا نبض الفؤاد
واعرف إنّي من فؤادك له يريد
واعرف إنّي غايتك واقصى المراد
رغم هذا ببتعد عَنَّك بعيد
خَلْ كثر العِنْد ينهيه البعاد
خَلْ عِنْدَك ينفعك لو هو يفيد
انطفى جمر الوله واصبح رماد
ببتعد وابدأ حياتي من جديد
لو نهاري ينقلب بَعْدَك سواد
عيش ب احزانك وانا حزني يزيد
وأُترك الشكوى على رب العباد