كان يا ما كان .. ظني واعتقادي
قبل ما تجرا على شقرة عصاها
نخلتك تسقِ الظما من عرق وادي
عن عطشها تعرف البير وغطاها
صدّقت عشتار في رجع المبادي
وانطوى عرجونها واوجع ثراها
مرت القصة محطة فالروادي
فرّها الشايب وفر اللي وراها
كان دربي من ورا الضحكة وغادي
قبل اماري بك واغني وآتباها
واختلف بين المشبه والمنادي
بين علّ دروبها .. والا عساها
اجتهدت ولمتني بعد اجتهادي
واختزلت النور والشمس وضحاها
من زرع في هيكل الشوق ارتعادي
من سجن قمرا عيونك عن سناها
مو غريب انك بلد فيك امتدادي
وان بعيونك شجر عيني وماها
الغريب إني غريبٍ في بلادي
غربة ارضي من جفا غربة سماها