ثلاث أيام مرّين في حياتي غير
ثلاث أيام عشت الحب واغليتك
ثلاث أيام واتهجّى كلام الطير
كلام أعذب من أعذب من تفديتك
رسالة حب شاهدها غلا وتعمير
على فؤادي تربع واسكن في بيتك
أقول إيش قد أنا عطشان وانت البير
دلو فكري نضح من كلمتي ليتك
أقول اللي ما يصير لعينك أنت يصير
ولو حتى بثريا الكون حطّيتك
حبيبي والغلا صورة بلا تصوير
صورها بكل رمشة عين أنا ريتك
حبيبي والعطا يحتاج للتقدير
إذا صرّحت أنا اللي يكوّميتك
ثلاث أيام مرّين في حياتي غير
ثلاث أيام عشت الحب واغليتك
ثلاث أيام لكن ما أدري ش التفسير
بس... أدري من ثلاث أيام حبيتك