آخر حركات التدلع والغنا
اللي اسمها (مها) وفي الدلع (مهاو)
فرفوره تسلف الشمس السنا
مغويه ويطرد وراها كل غاو
ان وقفت كل شي ما تباعد دنا
وكل شي متلخبط مع الوقفه تساو
واليا مشت؟ قال النمل: الله لنا
تقاو يا جوعي على صبري تقاو
ذروة ترف... ذروه غنج... ذروه هنا
جمالها ما يستوعب وما ينتقاو
في جنبها: نوره، وعبير، ومنى
شباب... وعند البل وكشختهم فراو
مخلوق لامنه انثنى يعني انثنى
كل الزوايا تستقيم اليا تزاو
يابوي شي لا يوصف ولا ينجنا
يسبب لك جروح لا يمكن تداو
مثال: لاجاعت وطال بها العنا
كل الحلاو اللي على هالأرض جاو
هي جايعه؟؟! يا رب تاكلني أنا!!
هذي سواليف الحلاو... مع الحلاو
واليا كلت أطرف حلاوة من هنا
كل الحلاو يشوفها ويقول ((وااو))!!!