البارق اللي يشوق العين وينوض شرق
امسيت اخيله من المغرب الين الشروق
اساهره طول ليلي واحسبه برق برق
قلبي مولّع وانا مغرم بنوض البروق
يابارق الشوق اغنّي لك على كل طرق
تليق فيك الخواطر والشعر والطروق
يابرق بينك وبين بروق الامزان فرق
هنا يبان التميّز والوهج والفروق
يابرق بلّغ سلامي وارّتفع فوق ورق
هذا جوابي وتوقيعي ونبض العروق
قل للغظي لايحاول يسرق القلب سرق
وين انت ساري بقلبي يالمزوح السروق
لازم تردّه ولو دونك عفاريت زرق
وإلاّ نويت اعتزي واجيب برقا وروق
وعاد انت تعرف عتيبه تحرق الجن حرق
عدوهم يصطلي من نارهم والحروق
وحليفهم يغرقونه فالكرامات غرق
بحر كراماتهم بحرنعظيم غروق
وصلاة ربي على الهادي كثر نوح ورق
وكثر الزهر والثمر في وارفات الوروق