يا قلبي المُتعبْ كفاني منك كثر العتب
كف الملام’ وتكسب في حياتي جميل
الذنب ذنبي وأنا كل الخطا والسبب
أتعبت فيك المشاعر بالعنا والمحيل
أشب ناري وأقرب من عروقك حطب
لعلي أدفى ولكن ضاع عنك الدليل
يا همي الي حذفني بين جمر ورطب
ما بين صفق الهبايب والمطر والمسيل
يزيد شوقي عناي وعنك بُعدي عطب
في كل موعد وصال يحين موعد رحيل
كني مع الريح قشه طايفة في مهب
تحط فيّ الزوابع كل يوم وتشيل
يا قلب أنا مال همي غير غصن القصب
لو كان وصله وشوفه غاية المستحيل
تشب نار الأماني في ظلوعي لهب
وأثْرّ باقي رماد الهم عنّي وأخيل
أخيل برق السحاب الي يزف اللجب
وأسير عمري مدادي فيه عابر سبيل
كف الملامة كفاني منك كثر العتب
لعل ترضى وتكسب في حياتي جميل