يا قمرنا يا نايل سات
نوّر فوق في السموات
وف عصر الفضائيات
دخّلنا بكل ثبات
يا قمرنا يا نايل سات
وصّل للعالم صوتنا
ورّيهم نور حضارتنا
واحكيلهم عن بطولاتنا
ياما لينا كتير بطولات
يا قمرنا يا نايل سات
وتقول إن إحنا عبرنا
والمولى بفضله نصرنا
وجيوش وحشود كسّرنا
ودا كلّه في 6 ساعات
يا قمرنا يا نايل سات
تصعد بأمان وسلامة
وتكون للعلم علامة
تشهد وبكل أمانة
على كل الإنجازات
يا قمرنا يا نايل سات
إستنّا هناك في مدارك
وابعت إشارات لرادارك
واكشف لنا عن أسرارك
وإحنا نفك الشفرات
يا قمرنا يا نايل سات
يا أجمل إنجازاتنا
هنحقق بك طموحاتنا
نشعر بقيمتنا وذاتنا
ونعوّض كل ما فات
يا قمرنا يا نايل سات
مبروك يا زعيمنا مبارك
تسلم وتدوم أفكارك
وصلت للكون أخبارك
وهنحكى كتير حكايات
يا قمرنا يا نايل سات