الردي لا تركني ما زعجني رحيله
يحسبني حزينٍ وأنا مرتاح بالي
لو سعى بالنميمة عنده اسهل وسيلة
الهوا ما يهز أهل الشموخ العوالي
ومن رضى بالمهونة ما يخاف الفشيلة
دام صارت حياته ما تساوي ريالي
اعشق القرم دايم فوق راس الطويلة
سعد من هو طراته حي فالك وفالي
راعي الطيب يبقى فعله دايم دليله
ما يخيب ظنونك بالسنين التوالي
كم رجل بعيني يسوي عندي قبيله
خوته نشتريها لو هي بالحيل غالي
والوفا دوم طبعي هي صفات أصيله
ما أخون الصداقة دامها راس مالي
ابدع القاف شعري بالمعاني الجزيلة
تطرب اللي سمعها وافيه بالكمالي