ضيفة خفوقي مرحبا والحشا دار
مفروشةٍ بالورد والياسميني
اليا لفى شرواك للقلب زوار
ان ماوسعك القلب تاسعك عيني
من يوم جيتي والحشى زحمة انوار
والسعد واطياف الفرح تحتويني
كيف اقتحمتي قلبي وحوله اسوار
وكيف ارتويتي من موارد حنيني
ضيفة خفوقي مرحبا كثر الامطار
اللافيه من بعد غيبة سنيني
ماجيتي الاّ نسمة وعطر وازهار
وطيبٍ بقى فثيابي وفي يديني
شاعر وقلّطتّك على عذب الاشعار
وفنجالنمبهّر تحوفه يميني
وانتي سواليفك كما شبّة النار
جمر الغلا وقّاد بينك وبيني
يسعدني اهديلك من الشعر تذكار
وانحت حروف اسمك على الفرقديني
اناقصيدي ديمة وحرف مدرار
يفرح به القلب الخلي والحزيني