أنا يا سَيدي ريمه.. عَجزت الريح أجاريها
تَعبت إمنِ الألم والشوق.. تَعبت أصارع أيامي
تَعبت ومهنتي روحك علي دايم ابديها
اهو يعني مقدر لي.. اعيش بجرحي الدامي
يهد اقصور احلامي.. برفة عين يلغيها
وأذوب وينكوي قلبي بظيمٍ فيّ مترامي
مِتى يا قلبي العاني تلاقي الروح راعيها
وتلقى من يصون الحب ويروي عمرك الظامي
اقلها بس يفهمها يباريها يراعيها
اكون الناس والدنيا ويمسي للهوى حامي
عسى لأحلام تِتحقق وأنسى غربتي فيها
ولكن كيف يا قلبي ومنك ضاعت اقلامي
وتاهت منك احروفي ولا دلت مساعيها
وبللت الورق بالدمع نزيفٍ مصدر إلهامي
شَرب إمن الوجع إسنين واقول الحين يكفيها
كفاية إتحط من قدري وتعلن يوم إعدامي
كفاية إتزيد في إجروحٍ عجزت إني أدوايها
أنا كلي حِكاية جرح ونزفٍ بارزٍ حامي
أبتمنى من الآخر تلاقي الروح راعيها
أنا الموتِ لي راحة وأحلى وأعذب أحلامي