ما عاد ودي لو دقيقه ... تسكتون
و إن جا ( العشا )؟ روحو وخلوني ... كلو
النفس؟ منسده ... وأحس إني؟ امغبون
و العين؟ بير ٍ فاض ... والجفن؟ الدلو
يا شايبي ( تكفى ) ويا آخواني؟ بآآمون
و تكفون ( يا اهل البيت ) الاسفل والعلو
آآباخذ اشماغي ... وش اللي تامرون؟؟
من قبل لا امشي يا مواليني ( قُلو )
أنا احتمال الغي ( جهاز التيليفون )
و ان طالت الغيبه تمالو وإسألو
وان ودكم باللي حصل لي تعرفون
آخاف من هرج العواذل لا ابتلو
الهم والتفكير واكثار الظنون
تناوشو حدب الحنايا ... واقتلو
ماتت عروق الروح من كثر الطعون
ياللي عروق الروح عندك؟ قد سلو
إن كان عشرة صااحبك عندك (( تهون ))
ماهو كذا ياصاحبي الصده ولو
على الاقل اتصد عن دربي؟ ابهون
ياللي بفعلك قلت لي .. حامض حلو
يومين غايب قلت ... معذور وتمون
و ذا اليوم رابع ... لا مسج .. ولا آآآآآلو