لك يوم يا حارم عيوني من النوم
نفسي أشوفك تسهر الليل حسرة
ليت الهوى في داخلك يشتعل يوم
ليتك تحس الوجد لو بس مره
كافي تعيش أفراح وأعيش مهموم
كفك بوسط الما وكفي بجمره
مدري ألاقيها من الحكي واللوم
وإلا ألاقيها من احضوض قشره
كنت أحسبك من فرحة العمر مرحوم
لين اكتشفت انك بؤنس ومسره
حلفت قلت انك على الوصل محكوم
وانته حياتك مثل ما تريد حره
مو مشكلة كذبتك يا سيدي اليوم
المشكلة وشلون أصدقك بكرة