يا رفيقي لا تقل طحت من عيني
ولا تعاتبني ولا تكثر اللومي
ولا تحسبني برايك تمشيني
ومانت في رايي مكلّف وملزومي
حتى لو صار الجفا بينك وبيني
تعتبر عندي مقدّر ومحشومي
أنا قدّمت الدليل وبراهيني
وانت مثل اللي سرى الليل من جومي
كيف بالتهمة وبالغش ترميني
وانت ما عندك حقايق ولا علومي
يشهد الله فارض الشرع والديني
أني اللي منك بالزور مظلومي
بعدها مسموح لا تتصل فيني
أرض مقسومك وأنا أرضى بمقسومي