١انتقي معنى القصيد بفن وامشي سيده
لا يسار ولا يمين إلا على قدامي
١وأنا عمّ الشعر أنا جده وأبوه وسيده
لا بغيته جاء عجل ويقبل الأقدامي
٢ سلام بعداد السلم والشوحط
والسدر والظهيان والسيال
٢ ما فيه وقرن مثل وقر الشوحط
عساه من نو العشي سيال
٣ ياللى تبا المريخ ولا عطارد
ترى الفضاء يا صاحبي مانت حوله
٣ والشاعر إذا جاب بدع عطا رد
الناس تسمع منطقه وانتحوله
٤ العالم الله والبشر ما يعلمون
الغيب لله وحده اللى يعلمه
٤ سلام يامن فالمواقف يعلمون
إذا مشى كلن بسيفه وعلمه
٥ بيتين شعر من الشعور اعدها
كتبت فيها القافية بالرا وغين
٥ كمن قبور ما قدرت اعدها
لقيتها بأعلى هده والراوغين
٦ اسمي حسن ح وس ون مكتوبه
ثلاثة احرف هجائيه وأبي عامر
٦ والعبد مهما حرص ياجيه مكتوبه
لو كان في وسط قصر شاهق عامر
٧ الراجحي لوكنت مالك مصرفه
اعطيت للمحتاج موتر مع سكن
٧ الصيد ريته راس لوة مصرفه
لكن من خوفه تحرك ما سكن
اللى يعاندني بشعري بردعه
واللى يمر الصبح قيل الصبح مار
بعض البشر يصلح يشيل البردعة
الناس تفهمها وهو مثل...!