سريت إمن البقاع اللي تصدر واردين اسفار
خذاني سرب من جنه تحشرج داخل انفاسي
كبير الجن في ربعه اديب.. وعالمٍ.. بيطار
خذاني جولةٍ فيها.. رهاب وصوت وسواسي
يتمتم لي عباراتٍ.. معانيها.. طرايب.. زار
نفث به ضيق زوّد بي برود وجمّد احساسي
مشينا من عصير الوقت وليّل ليلنا الستار
مسير الدرب والوجهه على.. تبريز تنقاسي
ثلاث ليال مابين المسير.. وطولت المشوار
تهاوت فرصةٍ لاحت على..النمرود والقاسي
معالم في حضاراتٍ شرحها واحدن غدار
على بابل على سومر قراها.. ب كف غرّاسي
تزمل به زمولٍ.. يحملن من الثقيل اسرار
جحافل والثرى مجدب فراغه بين الاقواسي
تنهض به وسافابه.. وغنابه.. على الهكتار
نفث به واحدن شركه شبيه بليس خناسي
قبايل جن حطوبي.. وغاروبي جهة جلنار
جليس الفرس خططها على حبري وقرطاسي
على نبعه غرف شربه سقانا سلسبيل وطار
إلى أعتى بقاع الارض.. دقت تالي اجراسي
سكبت التمتمه بيدين منهو لاعطى بيسار
نبيذ الوالي اللي صب كاسه في بطن كاسي
كئيبه ليلة البارح على.. اللي يسمع الزمّار
وشى به عندم الكاهن عقب ماهوب نخاسي
تعوذت الكريم اللي حصونه.. قوة الاذكار
من الشيطان واعوانه بلايس قومٍ انجاسي
ابنهي قصة الغادر عسى يبقى لي التذكار
كسبة رهان من خصمٍ عجز يكسر قوي باسي