وتهون الدنيا علينا ساعات

وتهون الدنيا علينا ساعات..

بضحكة...

بكلمة...

بآهة وبس...

وساعات بتهون جوانا بدمعة

وشئ صادق بالروح يتحس

بنلاقى ف أيامنا...

كلام معقود على طرف لسانّا

نفسه يفك قيوده ويهرب

يتحرر م الحبس

نفسه يلاقى جوه سطورنا

حروف غير حرف الآااه

ويلاااقى للقلب التااايه

فى الأوهااام مأواااه

والروح تتنفس من تانى

ويوم ترجع مرتاحة

والجرح النااازف يوجد له

بين الفرح دوااه

ترجع من تانى تكون دنيتنا

ف ضحكة...

ف كلمة...

ف آهة وبس...

وتهون جوانا الدمعة بفرحة

وشئ صادق بالروح يتحس

ولسانّا يفُك قيود الكلمة

تطير تعلا وتسبقنا

تتعلق فى خيوط أحلامنا

تدوب أحزانا ف ضى الشمس