ما سألتك

ما سألتك..

قلت لي رايح..

وخليتك تروح..

جاي بعد الإيش..

جيت ليش..

لا تقول الحب جابك..

قول كل اللي تبيه إلا المحبّة

أنت ما خليت في قلبي مكان

خلّ عنك كان

ما بقى لا لك..

ولا لغيرك مكان..

جاي بعد الأيش..

جيت ليش..

أنت عادي

ما احبك

ما أكرهك

انخذلت؟

مومهم عندي أبد

انجرحت؟

والله عادي مو مهم

فيه أشياء بحياتي منك أهم

غيرتني دنيتي بعدك كثير

صرت ما أحب الكلام

صارت البسمة على شفاهي عجب

صار صمتي في عيون الناس عادة

لين شمّعت أمنياتي بأغنياتي واستلذيت الغياب

الغياب اللي أحبّه

الغياب اللي من الداخل بروحي

ما معي غيري أحد

أكتب لنفسي وتقرى

وأتجاهل كل من حولي من الأرواح واقرى

لأني أصدق من يحس بما قرى

ولأن أحبابي قليل ولأن أصحابي قليل ولأنّي المثقل بروحي

في جروحي

فانتمائي

في وفائي

وأنّي أجمل من كثير

لا تحسب إنك مسوّي في حضورك خير

ويش جابك

كنت مرتاح بغيابك

جاي تحسبني من الفرحه بطير

ما بقى بي ريش

جاي بعد الأيش..