وش الأخبار؟
أشوفك ضايق ومحتار!
وحاير بالبعد... تختار... !
وش الحيلة؟
ما دامك عايش بدنياك...
وتقضي يومك بليلة... !
وهمك مسرجٍ خيله... !
وتتغنى...
حبيبي بالهوا غنى
وناوي يبتعد عنا...
وسمعني... أنا بلياك
إلا يا ليته... ما غنى... '
يعظم ربنا اجري...
وشمسك تغرب بفجري...
أعيش العمر أنا بلياك...
وشوقي يحضنه حجري...
وأنا الضايع...
وما بين الشاري والبايع...
عجزت أودع محياك...
أتوه بعالمٍ صايع...
أبي تفهم... أنا أحبك
أنا جرحك... وأنا طبك
ومهما ودتك دنياك... !
يجيبك بالهوى ربك...