الجادل اللي سحرها في هدَبْها
بأسبابها قلبي وأنا أخوك مجروح
يابو ذياب النار زايد لهَبْها
وشلون تشعلني كذا بس وتروح
لا وا عذاب القلب كانه قَرَبْها
بيبطي يجَاذب بالخَفى الورْق وينوح
وأنا خفوقي قبل مدّه لعبْها
واليوم ماله بالغنادير مصلوح
يبغى الهنوف اللي من اوّل خطبْها
واليوم صارت له كما الجسم والروح
وان كان يابو ذياب صمتي جذبْها
قول السكوت أبلغ من كتاب مشروح
ومحدٍ على قرب الدبيسي غصبْها
اللي لفى بسكات.. بسكات بيروح