ياوامر خلقه على حج بيته
يا الله يا اللي تسجد الناس لرضاه
راضي على مقسومك اللي عطيته
تفرج لمن سده على الناس ما ابداه
والناس ما يشفون إن ما شفته
من شيء يسل الحال والجسم يبراه
وان حملوني غي قويته
قلت آه واجرحاه من خلتي آه
قلت آه ويش المنكر اللي وطيته
قالوا سفا بالحال ويش اللي أغواه
قلت آه علمي بالملا ما كميته
قالوا جهلت وبان علمك لمنهاه
قلت آه وحدته وعفوه رجيته
قالوا طلبنا لك من الله معافاه
قلت آه هذا وارد ما بغيته
قالوا هله وأحباب عينه نصحناه
قلت آه لو غيره يكفي رميته
قالوا لدور لك من البيض حلياه
قلت آه عود الموز بيدي لويته
قالوا نشاف العود مالك بلاماه
قلت آه لو أخذت ارسع ما نسيته
قالوا تزوج كود ندله وتنساه
قلت آه ما أنسى يوم جاني وجيته
قالوا من اقصي الناس وين أنت وياه
قلت آه عمره ما عقب حج بيته
قالوا نشوفه عند هذا وهذاه
قلت آه باقرابي وروحي فديته
قالوا عليل ناقل ناقل داه برداه
قلت آه هراج التمايم عصيته
قالوا نشير ولا نفع ما حكبناه
قلت آه لو قلبي غرير نهيته
قالوا كثر شيبك وقلبك يعمياه
والى عطى منهاج درب عطيته
مطاوع قلبي بعفاه وقدراه
فلتوا كثير وقولكم ما لقيته
يا ناس خلو كل وادي ومجراه