يا نور عيني ليه شوفك شفاقه
هذا جفى يا زين وإلا تغلي
على غلاك الزود ماله لواقه
واضن ماله بالضماير محلي
ودك غدى بالروح والرجل ساقه
من الملا كله طويت السجلي
حتى وليف(ن) لي هروجه رقاقه
أنا وفي(ن) ما تهاون بخلي
فارقت شوفه وانت سبة فراقه
واليوم مادري باي دارٍ يحلي
اليا شافني ياخذ علي اندلاقه
يمشي طويل وطول حسه يهلي
وإلا انت والله يانصفقت إنصفاقه
قدام وجهي ما تمتع بحلي
وإني طويت رشاك طي العلاقة
والحال فيها من هاك اليوم حلي
حادور ما به للمخاليق طاقه
إن طال في طيله غدى في كلي
كانكم خلان لي ورفاقه
قدام زلال بروحي يزلي
يا نور عيني ذوقوني ذواقه
غر(ن) ترى قلبي عليهن مغلي
طول النسم بحدود عقل ورواقه
يرفى لحالي ليال مضنلي
والله ما طلبكم وراهن لحاقه
وانه دوايه من بلايه وشلي
واني لكم يا نور عيني عتاقه
أنا دخيل حظوظكم قبل أولي
وأنا تراي ماني خطاة الهقاقه
الي على غيبه ان كان دلي
واللي يدل الناس كثر إصطفاقه
لو مل وجهه بارد(ن) ما يملي
يا عود ريحان على جال باقه
شابك عليها زعفران مظلي
يا ريم وانت احلا بخف ولباقه
يا عنك ما شح بحلاك المحلي
عليك عنق من المها ودراقه
ومن الصويتيه توزي ودلي
ومن الحرار بنور عينك رماقه
ومن الحمامة مشيها بس قلي
وإلا انت بوصاف وحلايا دقاقه
مدري وش انت للعذارى مخلي
ربي عطاك وحط فوقك وساقه
اشقر قضيض فوق الامتان هلي
وقلبي عليك اليوم غادي حراقه
انته تبا تجديه وإلا تتلي
وتحط من دوني خليل(ن) عشاقه
وأنا يسد من العناء ما حصلي