لا طاح شال الظلام على قلبي و تملّاني
اعتزيت بحسيبٍ يناجونه معي مليون
حسبي هو اللي من صغر سني و يرعاني
و حسبي حبيبٍ ما ترك غاليه مغبون
ما قلت لفلان و فلان عن همٍّ تغشّاني
و أقصى كلامي دمعٍ مسكنه العيون
على خطى يعقوب النبي بحاول ألقاني
أبث حزنٍ ل قبله يتجهها المصلّون
ما دامت الدنيا على طُهري بتجفاني
كافيني اللي وعد ؛ عسره تلاه الهون
حسبي الذي مع كل الخطايا تلقّاني
مثل ما أمي تتلقّى خطاي ب ( فداج الكون )