مقهى وانترنت واصحاب وعصافير الصبايا
لمّتٍ صفّق لها الكراس باطراف القصايد
قهوتي ساده وصارت حلوه بريح العبايا
شي عادي شي يعني شي للغزلان قايد
وابتسامات الرفاقه همها تمشي معايا
وين ما لديت جتني تنتظر منّي تزايد
وجامعتنا دربها يكشف خفيّات الخفايا
عطر وورود ومسافه كنها لمع القلايد
والدراسه تفتح النفس وتجمّلها الخلايا
راعي البستان يحلم في طويلات البنايد
مايعيقه شي وان صادف ملاكيع النوايا
عادة الوجه البشوش يكون بالاجواء سايد
الركاده كاستي واروي بها جملة ظمايا
مايجيب الصعب إلا من تغطيه الركايد
بس فيه اللي يحب لنظرة احلامي عمايا
وقبل لاينظر بقوله عن سوآتي والصفايد
غصن قلبي قد كسرته عن عصافير الصبايا
ومن سواتي صفّق الكراس بيدين القصايد