عشان الوقت مش وقتك
ولا وقتي
ولا فاضي يفوت بينّا في يوم تاني
بلاش الوعد يبقى ميعاد
ولا ساعة في يوم بالذات
ما دام روحنا مع روحنا
بتتواعد على الفكره
وقادرة تضمنا امبارح
وترسمنا ف جبين بكره
شجر طارح بدون مواعيد
وإيه هيفيد؟
لقا لازم يكون له فراق؟!
وتدبل زهرة الأشواق
وليه ننكر بإن العيد
مهوش غير في انتظار العيد؟
أكيد الوقت مش فاضي..
وشاغله كثير من العشاق
ولو يقدر يعود لازم
يراعي الفرق في الأشواق
عشان الوقت مش وقتك
ولا وقتي!