الظرف حيله قوي وأنا على قده
ماني ضعيف العزايم لا تبلاني
اليا وقفت الوقوف اللي بلا صده
يبغى يشوف الهزيمة لا تلقاني
ولاني بلاين لا صار الوضع به حده
عزي عن الذل والخيبات ينهاني
ولاني بخصم الضعيف ولاني بنده
وعلى ضعيف العزايم ما سرج حصاني
وأيامي القاسية والضيق والشده
أنا تخطيتها قبل تخطاني
وإن كان جاد الزمن وإن كان ما وده
ياكم شيٍ تمنيته ولا جاني
كثر التحسف ما جاب الفايت ورده
وجزا الرضا عن كبار مناي نساني
ولو كان ضاق المدى وان طالت المدة
ما حد من الناس ياخذ قسمة الثاني