ما عاد باقي في حياتي مودة
ولا عاد باقي بالزمن شي ارجيه
حلم كبير ورمح الأقدار هده
وقلب تحطم كيف تجبر هقاويه
مليت جزر الوقت مليت مده
مليت حتى ثوبي اللي أنا فيه
يمكن لقيت الحزن مرسى أوده
ويمكن عذرت الولف لاصرت ناسيه
وين أنت ياللي بحر الأوهام لده
وين أنت ياللي بح صوتي أناديه
ليت البحر عينك وأنا أصير جده
واسكن على موجك وألمه وأداريه
وليتك سالت الجفن عن حال خده
وإلا سالت الحال عن سكتة التيه
أحيان أضم الشوق واحيان اهده
وألقى معه بين الحنايا مشاريه
الحق على قلب تحب وتوده
قبل الشقى لا يدفن ثياب راعيه