العشرة الزينة ميزتها الدوام
والمني ونوالمك خلينا الحبيب روام
انا وانت متفاهمين
ومن مدة متعاشرين
وعلاش نكونو متخاصمين
ومقطوع بيناتنا لكلام
لغيار ما يعمر دار
وحنا بيناتنا اسرار
وايلا اختالفو لفكار
الاختلاف عمرو ما دام
دير يدك فيديا
نشوفو الربح وننساو لخطيا
انا ليك وانت ليا
نعيشو من تاني قصة لغرام
قبل ما تعاتبني وتلوم عليا
انا حرة ماصلة مغربية
زواجي زواج العاهد والنيا
مسؤلية ماشي مجرد كلام
نبغيك ونخلص فهوايا
وقدام ناسك نكون ليك مرايا
لي بينا عاهد خديتيه معايا
مودة وحب وسلام
ايلا تنبغيك ماشي مشرية ليك
وانت الريح لي جا يديك
تغيب وتحضر ملي يقولها ليك
راسك بلا تفكير ولا تخمام
فرقني راه طفح الكيل
عيت نصبر ورضيت بلقليل
لقراق ولا لعيش دليل
لحلال ما يعاشرو لحرام