لا يهمّك حاسدينك .. كلهم فدوة عيونك
دامك اللي في عيوني .. ريّحي فِكْرِك وبالك
كلهم يا نور عيني .. لجل حسنك يحسدونك
لا يصيب الهمْ قلبك .. إضحكي وزيدي دلالك
لا يهمّك كل حاسد .. وكل من خيَّب ظنونك
ما يطوْل الغيم صوته .. ما يطوْل إلا ضِلالِك
كلهم تدرين عنّي .. في الغلا ما يوصلونك
في يدك مفتاح قلبي .. اسكني وحطّي رحالك
اضحكي يا فرْح عمري .. واتركي لقلبي حزونك
قد عطاك الله فؤادي .. ولو طلبتي العمر جالك
يا قمر ليلي وشمسي .. وش يساوي العمر دونك
والله إن الناس كفَّه .. وانتي في كفَّه لحالك
ما خِلِق في الكون كله .. في النساء من يشبهونك
الجمال بكل عذرا .. بعض من فائض جمالك
أعشقك يا حب عمري .. ودنيتي واعشق جنونك
واعشق اسلوبك وطبعك .. وكل خصلة من خصالك
جمَّلِك ربي في عيني .. يا عسى ربي يصونك
يا مناي وشوق قلبي .. ليتني دايم قبالك
قلبي اللي في يدينك .. ما يجي يوم ويخونك
دام قلبك محتويني .. ودام قلبي قد صفالك