جيتك بقلبي وعدت بلاه يا قلبي
قلبي نسيته في عينك وأحسب احسابه
لو تلمسه بالشعور الدافي المسبي
ردت عليه الحياة وعاد لأهدابه
لاحظ طعون المحبة فيه واشعر بي
عيش الغرام الحقيقي وأعرف أسبابه
خل العيون الجميلة فيك تبصر بي
عشان تعرف غلاه ولهفه أحبابه
جيتك وصارت خطايا بلاك تعثر بي
كني طريد العدى وابحث على نابه
ما كان ودي ولا صار من غلبي
ادخل عرين الهوى من أوسع أبوابه
إن جيت بخرج تحير مسلكي ودربي
وان عدت عادت خطاي بلاك جذابه
لي يعشق ما يفرط فيك يا حبي
شخصيتك بالحلا واللطف جذابه
والله لو ينطبق شرقي على غربي
ما لمت فيك الزمن لو عظني نابه
تفداك روحي خلاني وأنا وقلبي
أنا وقلبي ونبضاته وجلبابه